એકનાથ શિંદે મિડિયાને જણાવ્યું કે, "મેં પીએમ મોદી અને ગૃહ મંત્રી અમિત શાહ સાથે વાત કરી છે અને કહ્યું છે કે સરકારની રચનામાં અમારી તરફથી કોઈ અવરોધ નહીં આવે." શિંદે વધુમાં જણાવ્યું કે, "મોદીજી NDAના નેતા છે અને અમે તેમના નિર્ણયને સંપૂર્ણ રીતે સમર્થન આપશું." આ નિવેદનથી સ્પષ્ટ થાય છે કે શિવ સેના નવા મુખ્યમંત્રીના ઉમેદવારને સ્વીકારવા માટે તૈયાર છે. મહાયુતિની વિજય પછી રાજકીય અવરોધો દૂર કરવા માટે આ એક મહત્વપૂર્ણ પગલું છે. શિંદે તેમના નિવેદનમાં જણાવ્યું કે, "જેને પણ તેઓ મુખ્યમંત્રી તરીકે પસંદ કરશે, શિવ સેના તેને પૂરેપૂરો સમર્થન આપશે."